بلوچستان: ضلع موسیٰ خیل میں فائرنگ، مقامی صحافی جاں بحق

بلوچستان کے ضلع موسیٰ خیل میں نامعلوم مسلح افراد کی فائرنگ کے نتیجے میں ایک مقامی صحافی جاں بحق ہو گئے ہیں۔
پولیس ذرائع کے مطابق مقتول صحافی کو اس وقت نشانہ بنایا گیا جب وہ علاقے میں موجود تھے، حملہ آور فائرنگ کے بعد موقع سے فرار ہونے میں کامیاب ہو گئے۔
واقعے کی اطلاع ملتے ہی قانون نافذ کرنے والے اداروں کے اہلکار اور ریسکیو ٹیمیں فوری طور پر جائے وقوعہ پر پہنچیں اور مقتول کی لاش کو قریبی اسپتال منتقل کیا۔
پولیس نے علاقے کی ناکہ بندی کر کے واقعے کی تفتیش اور ملزمان کی گرفتاری کے لیے تحقیقات کا باقاعدہ آغاز کر دیا ہے، تاہم حملے کے محرکات تاحال معلوم نہیں ہو سکے۔
صحافتی تنظیموں نے اس افسوسناک واقعے کی شدید مذمت کرتے ہوئے حکومت اور اعلیٰ حکام سے ملوث عناصر کی فوری گرفتاری اور صحافیوں کے تحفظ کو یقینی بنانے کا مطالبہ کیا ہے۔

Share This Article

کوئی تبصرہ نہیں ہے۔