وزیراعلیٰ پنجاب مریم نواز نے پنجاب ٹرانسپورٹ کمپنی کے نئے ہیڈکوارٹرز اور جدید ای وی کمانڈ اینڈ کنٹرول سینٹر کا افتتاح کیا۔ اس موقع پر وزیراعلیٰ نے کہا کہ یہ منصوبہ صوبے میں جدید، محفوظ اور پائیدار ٹرانسپورٹ نظام کے فروغ کی جانب ایک اہم قدم ہے۔
افتتاح کیے گئے ای وی کمانڈ اینڈ کنٹرول سینٹر کے ذریعے الیکٹرک وہیکلز کی نگرانی، آپریشنز اور کارکردگی کو جدید ٹیکنالوجی کی مدد سے مؤثر انداز میں مانیٹر کیا جائے گا۔ وزیراعلیٰ مریم نواز نے کہا کہ حکومتِ پنجاب عوام کو ماحول دوست، معیاری اور جدید سفری سہولیات فراہم کرنے کے لیے پرعزم ہے، جبکہ نئے ہیڈکوارٹرز سے ٹرانسپورٹ منصوبوں کی منصوبہ بندی اور عملدرآمد میں مزید بہتری آئے گی۔
