ہنگو / راولپنڈی: خیبر پختونخوا کے ضلع ہنگو میں سیکیورٹی فورسز کے انٹیلی جنس بیسڈ آپریشن کے دوران شدید فائرنگ کے تبادلے میں پاک فوج کا ایک جوان کیپٹن جامِ شہادت نوش کر گیا، جبکہ کارروائی کے نتیجے میں 7 دہشت گرد ہلاک ہو گئے۔
پاک فوج کے شعبہ تعلقاتِ عامہ کے مطابق سیکیورٹی فورسز نے ہنگو میں دہشت گردوں کی موجودگی کی خفیہ اطلاع پر کارروائی کی۔ آپریشن کے دوران فورسز نے دہشت گردوں کے ٹھکانے کو گھیرے میں لیا، جس پر دہشت گردوں نے شدید فائرنگ شروع کر دی۔
فورسز کی موثر جوابدہی کے نتیجے میں 7 دہشت گرد موقع پر مارے گئے، جن کے قبضے سے اسلہ، گولہ بارود اور دھماکہ خیز مواد برآمد کر لیا گیا۔ فائرنگ کے اس تبادلے کے دوران بہادری سے لڑتے ہوئے پاک فوج کے کیپٹن نے ملک و قوم کی دفاع کی خاطر جامِ شہادت نوش کیا۔ پاک فوج کے ترجمان کے مطابق علاقے میں موجود دیگر دہشت گردوں کے خاتمے کے لیے کلیئرنس آپریشن جاری ہے۔
