کراچی پولیس نے اسٹریٹ کرمنلز کے خلاف کارروائی کرتے ہوئے دو ڈاکوؤں کو فائرنگ کے تبادلے کے بعد زخمی حالت میں گرفتار کر لیا ہے، جن کے قبضے سے اسلحہ بھی برآمد ہوا ہے۔
گشت پر مامور پولیس اہلکاروں نے مشکوک ملزمان کو رکنے کا اشارہ کیا تو انہوں نے فرار ہوتے ہوئے پولیس پر فائرنگ کر دی۔ جوابی کارروائی میں دونوں ملزمان زخمی ہو گئے جنہیں پولیس نے حراست میں لے لیا۔ گرفتار ملزمان میں سے ایک کی شناخت شہباز کے نام سے ہوئی ہے، جسے پولیس کی نگرانی میں علاج کے لیے جناح اسپتال منتقل کر دیا گیا ہے۔
پولیس حکام کا کہنا ہے کہ ملزمان کسی بڑی واردات کی نیت سے علاقے میں موجود تھے تاہم بروقت کارروائی سے شہری لٹنے سے بچ گئے۔ ملزمان کے قبضے سے ملنے والے اسلحے کو فارنزک کے لیے بھیج دیا گیا ہے جبکہ ان کے مفرور ساتھیوں کے بارے میں تفتیش جاری ہے۔
