وزیراعلیٰ خیبر پختونخوا سہیل آفریدی نے اسلام آباد میں وزیراعظم محمد شہباز شریف سے ملاقات کی۔ ملاقات کے دوران ملکی سیاسی صورتحال، خیبر پختونخوا میں ترقیاتی منصوبوں، انتظامی امور اور وفاق و صوبے کے درمیان باہمی تعاون سے متعلق مختلف امور پر تفصیلی گفتگو کی گئی۔
ذرائع کے مطابق ملاقات میں صوبے میں امن و امان کی صورتحال، جاری اور آئندہ ترقیاتی منصوبوں کی پیش رفت اور عوامی فلاح سے متعلق اقدامات پر بھی تبادلۂ خیال ہوا۔ وزیراعلیٰ خیبر پختونخوا نے وزیراعظم کو صوبے کو درپیش چیلنجز سے آگاہ کیا۔
وزیراعظم محمد شہباز شریف نے خیبر پختونخوا کی ترقی اور استحکام کے لیے وفاقی حکومت کی جانب سے مکمل تعاون کی یقین دہانی کراتے ہوئے کہا کہ صوبوں کی ترقی ہی ملک کی مجموعی ترقی کی ضامن ہے۔
