شہرِ قائد کے علاقے گلشنِ اقبال میں افسوسناک واقعہ پیش آیا ہے جہاں ایک کچی آبادی میں واقع جھونپڑیوں اور خیموں میں اچانک خوفناک آگ بھڑک اٹھی۔ آتشزدگی کے باعث علاقے میں شدید افراتفری پھیل گئی۔
حکام کے مطابق، یہ واقعہ گلشنِ اقبال بلاک 19 میں طیب گوٹھ کے قریب پیش آیا، جہاں قائم جھونپڑیاں دیکھتے ہی دیکھتے آگ کی لپیٹ میں آ گئیں۔ واقعے کی اطلاع ملتے ہی ریسکیو 1122 کے کنٹرول روم نے فوری ایکشن لیا اور فائر فائٹرز اور امدادی ٹیموں کو جائے وقوعہ کی طرف روانہ کیا۔ ریسکیو 1122 کے ترجمان کا کہنا ہے کہ ٹیمیں موقع پر پہنچ چکی ہیں اور خیموں میں لگی اس شدید آگ پر قابو پانے کے لیے بھرپور کوششیں اور امدادی کارروائیاں جاری ہیں تاکہ نقصان کو کم سے کم رکھا جا سکے۔
