لاہور: قربانی کا گوشت مانگنے کے بہانے گھروں میں نقب زنی کرنیوالے باپ بیٹے گرفتار، کروڑوں کا مال مسروقہ برآمد

لاہور پولیس نے ایک بڑی کارروائی کرتے ہوئے ایسے باپ بیٹے کو گرفتار کر لیا ہے جو قربانی کا گوشت مانگنے کے بہانے گھروں کی ریکی کرتے تھے اور بعد ازاں وارداتیں کر کے زیورات اور نقدی سمیت قیمتی سامان لوٹ لیتے تھے۔ ملزمان کے قبضے سے تقریباً ایک کروڑ روپے مالیت کا سامان برآمد ہوا ہے۔ ملزمان شہر کے مختلف علاقوں میں گھروں کو نشانہ بنانے میں ملوث تھے۔