آسٹریلیا نے اپنی فوجی تاریخ میں ایک اہم سنگِ میل عبور کرتے ہوئے پہلی مرتبہ ایک خاتون کو آرمی چیف مقرر کر دیا ہے۔
رپورٹس کے مطابق لیفٹیننٹ جنرل سوسن کوئل کو آسٹریلوی فوج کا سربراہ مقرر کیا گیا ہے، جو جولائی 2026 میں اپنے عہدے کا چارج سنبھالیں گی۔ وہ اس عہدے پر فائز ہونے والی پہلی خاتون ہوں گی، جو 125 سالہ فوجی تاریخ میں ایک تاریخی پیش رفت ہے۔
سوزن کوائل اس وقت چیف آف جوائنٹ کیپیبلیٹیز کے طور پر خدمات انجام دے رہی ہیں اور ان کا فوجی کیریئر تین دہائیوں سے زائد عرصے پر محیط ہے۔ انہوں نے افغانستان، مشرقِ وسطیٰ اور دیگر اہم مشنز میں خدمات انجام دی ہیں۔
آسٹریلوی وزیرِ دفاع اور وزیرِاعظم نے اس تقرری کو خواتین کے لیے ایک بڑی کامیابی قرار دیتے ہوئے کہا ہے کہ یہ فیصلہ نہ صرف میرٹ پر مبنی ہے بلکہ فوج میں خواتین کی نمائندگی بڑھانے کی کوششوں کا حصہ بھی ہے۔
یہ تقرری ایک ایسے وقت میں سامنے آئی ہے جب آسٹریلوی دفاعی ادارے خواتین کی شمولیت بڑھانے اور ماضی میں سامنے آنے والے ہراسانی کے مسائل کو حل کرنے کے لیے اقدامات کر رہے ہیں۔
