سنیہ اشفاق نے سابق قومی کرکٹر عماد وسیم کی دوسری شادی کے اعلان کے بعد سخت ردعمل دیتے ہوئے ان پر سنگین الزامات عائد کر دیے۔
میڈیا رپورٹس کے مطابق سنیہ اشفاق نے انسٹاگرام پر جاری بیان میں کہا کہ اب سب کے سامنے ثبوت آ چکے ہیں اور “دھوکہ دینے والا آخرکار بے نقاب ہو گیا ہے”، جبکہ انہوں نے اپنے بچوں کے لیے انصاف کا مطالبہ بھی کیا۔
یہ ردعمل اُس وقت سامنے آیا جب عماد وسیم نے سوشل میڈیا کے ذریعے نایلا راجہ سے اپنی شادی کا اعلان کیا اور کہا کہ اپنی پہلی شادی کے خاتمے کے بعد کا وقت ان کی زندگی کا مشکل ترین دور تھا۔
اپنے بیان میں عماد وسیم نے کہا کہ وہ اپنی اولاد سے وابستگی برقرار رکھنا چاہتے ہیں اور بطور والد ان کی محبت، رہنمائی اور موجودگی سب سے اہم ہے، تاہم انہوں نے بچوں سے ملاقات میں مشکلات کا بھی ذکر کیا۔
