کراچی: ڈپٹی کمشنر جنوبی نے سانحہ گل پلازہ کی تحقیقات کے لیے بنائے گئے جوڈیشل کمیشن کو اپنا جواب جمع کروا دیا۔ جواب میں کہا گیا کہ ضلعی انتظامیہ نے آگ کے دوران ضروری انتظامی اور لاجسٹک سہولتیں فراہم کیں اور ریسکیو اداروں کے ساتھ فوری رابطے قائم کیے۔
ڈپٹی کمشنر کے مطابق:
- ایمرجنسی کی اطلاع 10:27 بجے موصول ہوئی اور وہ 10:31 بجے موقع پر پہنچے۔
- ڈسٹرکٹ ایمرجنسی آپریشن سینٹر بنایا گیا تاکہ متعلقہ اداروں سے رابطہ ہو اور متاثرین کو سہولتیں فراہم کی جا سکیں۔
- پولیس، ٹریفک پولیس اور ریسکیو ادارے اپنی اپنی ذمہ داریوں کے تحت ہنگامی رسائی اور ریسکیو میں تعاون کرتے رہے۔
- گل پلازہ ایم اے جناح روڈ پر واقع ہے، جس کی چوڑائی گرین لائن منصوبے کی وجہ سے کم ہو چکی تھی، جس سے رش کے دوران ٹریفک دباؤ بڑھ گیا۔
- فائر بریگیڈ اور دیگر ہنگامی گاڑیوں کی رسائی کو یقینی بنانے کے لیے راستے صاف کیے گئے اور جگہ جگہ ہجوم کنٹرول کیا گیا۔
- بلڈنگ کی ساختی حفاظت، فائر سیفٹی آڈٹس اور ضابطہ جاتی پابندیوں کا معاملہ متعلقہ ریگولیٹری اداروں کے دائرہ اختیار میں آتا ہے۔
جواب میں یہ بھی کہا گیا کہ ضلعی انتظامیہ نے ریسکیو عملے کی رسائی اور آپریشنل تحفظ کو یقینی بنانے کے لیے مؤثر کردار ادا کیا۔
