(University of Karachi) انتظامیہ کے لیے ایک بڑی اور مثبت خبر سامنے آئی ہے، جہاں انجمن اساتذہ جامعہ کراچی نے گزشتہ ایک ماہ سے جاری امتحانی عمل کا بائیکاٹ ختم کرنے پر آمادگی ظاہر کر دی ہے۔ اساتذہ برادری اور یونیورسٹی انتظامیہ کے مابین ہونے والے مذاکرات کی کامیابی کے بعد یہ اہم فیصلہ سامنے آیا ہے، جس سے طویل عرصے سے معطل امتحانی سرگرمیوں کا جمود ٹوٹنے کی امید پیدا ہو گئی ہے۔
ذرائع کے مطابق، اساتذہ طویل عرصے سے اپنے جائز مطالبات، جن میں واجبات کی ادائیگی، ہاؤس سیلنگ الاؤنس کی فراہمی اور دیگر انتظامی و مالیاتی مسائل شامل تھے، کی منظوری کے لیے احتجاج پر تھے اور انہوں نے امتحانی ڈیوٹیز اور پرچوں کی جانچ پڑتال کا مکمل بائیکاٹ کر رکھا تھا۔ بائیکاٹ کے خاتمے کے اس فیصلے کے بعد اب یونیورسٹی میں روکے گئے امتحانات کا سلسلہ دوبارہ شروع ہو سکے گا، جس سے ہزاروں طلبہ کا قیمتی تعلیمی سال ضائع ہونے سے بچ جائے گا۔ یونیورسٹی انتظامیہ نے اساتذہ کے مطالبات کو بتدریج حل کرنے کی یقین دہانی کرائی ہے۔
