بھارتی فوجی افسر کا ویڈیو بیان وائرل، ایران کے بعد پاکستان کو تین اطراف سے گھیرنے کا دعویٰ، سوشل میڈیا پر بحث چھڑ گئی۔#India #Pakistan #Iran #Israel #AkhandBharat #Geopolitics #SouthAsia #DefenseNews #BreakingNews #TrendingNews pic.twitter.com/fIOxSwdqgl
— Bakhabar News (@bakhabarnews_) March 13, 2026بھارت میں منعقدہ Synergia Conclave سیکیورٹی فورم کی ایک ویڈیو سوشل میڈیا پر وائرل ہو رہی ہے جس میں بھارتی فوج کے میجر جنرل سی ایس مان پاکستان کے حوالے سے متنازع بیان دیتے ہوئے نظر آ رہے ہیں۔
ویڈیو میں دعویٰ کیا گیا کہ اگر اسرائیل ایران کو کمزور کرنے یا اکھاڑ پھینکنے میں کامیاب ہو جاتا ہے تو خطے میں طاقت کا توازن بدل سکتا ہے۔ ان کے بقول ایسی صورت حال میں پاکستان پر تین اطراف سے دباؤ ڈالا جا سکتا ہے جن میں مشرق سے بھارت اور دوسری طرف سے علاقائی طاقتیں شامل ہیں۔
میجر جنرل کے بیان میں مبینہ طور پر "اکھنڈ بھارت” کے تصور کا بھی حوالہ دیا گیا اور کہا گیا کہ یہ ہندوستان کے لیے ممکنہ جغرافیائی سیاسی حکمت عملی ہو سکتی ہے۔
ویڈیو منظر عام پر آنے کے بعد سوشل میڈیا پر شدید ردعمل سامنے آیا، کئی صارفین نے اس بیان کو خطے میں بڑھتی ہوئی کشیدگی کے تناظر میں تشویشناک قرار دیا۔
اس بیان کے حوالے سے بھارتی حکومت یا فوج کی جانب سے تاحال کوئی باضابطہ وضاحت جاری نہیں کی گئی تاہم دفاعی اور سیاسی حلقوں میں اس کا چرچا ہو رہا ہے۔
