گوادر کے علاقے کونتانی ہور میں اچانک لگنے والی ایک پراسرار اور خطرناک آگ نے مقامی آبادی میں خوف و ہراس پھیلا دیا۔ اطلاعات کے مطابق آگ تیزی سے پھیلتے ہوئے متعدد ٹرانسپورٹ ڈپو کو اپنی لپیٹ میں لے چکی ہے۔
گوادر کے کونتانی ہور میں خطرناک آگ بھڑک اٹھی، ٹرانسپورٹ ڈپو متاثر، علاقے میں خوف و ہراس۔#Gwadar #Balochistan #FireIncident #BreakingNews #PakistanNews #Emergency #GwadarPort #RescueOperation #TrendingNews #Disaster pic.twitter.com/pbn1eUoDA8
— Bakhabar News (@bakhabarnews_) March 12, 2026عینی شاہدین کے مطابق آگ اچانک بھڑکی اور دیکھتے ہی دیکھتے اس کے شعلے شدت اختیار کر گئے، جس کے باعث قریبی علاقوں کے مکینوں میں تشویش پیدا ہو گئی۔
مقامی ذرائع کا کہنا ہے کہ آگ کی شدت کے باعث علاقے میں دھوئیں کے بادل چھا گئے ہیں جبکہ ریسکیو اور متعلقہ اداروں کو فوری طور پر آگ بجھانے کے لیے طلب کر لیا گیا ہے۔
ابتدائی اطلاعات کے مطابق آگ لگنے کی وجہ ابھی تک واضح نہیں ہو سکی، تاہم حکام کا کہنا ہے کہ صورتحال پر قابو پانے کے لیے کوششیں جاری ہیں اور واقعے کی تحقیقات بھی شروع کر دی گئی ہیں۔
اگر آگ پر جلد قابو نہ پایا گیا تو خدشہ ظاہر کیا جا رہا ہے کہ یہ مزید گوداموں اور قریبی تنصیبات تک پھیل سکتی ہے۔
